♫ பாடலைக் கேட்க / பதிவிறக்கம் செய்ய... ⇩♪
தேன் இனிமையிலும் இயேசுவின் நாமம்
திவ்ய மதுரமாமே அதைத்
தேடியே நாடி ஓடியே வருவாய்
தினமும் நீ மனமே
1. காசினிதனிலே நேசமதாகக்
கஷ்டத்தை உத்தரித்தே - பாவக்
கசடதை அறுத்து சாபத்தைத் தொலைத்தார்
கண்டுணர் நீ மனமே
2. பாவியை மீட்கத் தாவியே உயிரைத்
தாமே ஈந்தவராம் - பின்னும்
நேமியாம் கருணை நிலைவரமுண்டு
நிதம் துதி என் மனமே
3. காலையில் பனிபோல் மாயமாய் உலகம்
உபாயமாய் நீங்கிவிடும் - என்றும்
கர்த்தரின் பாதம் நிச்சயம் நம்பு
கருத்தாய் நீ மனமே
4. துன்பத்தில் இன்பம் தொல்லையில் நல்ல
துணைவராம் நேசரிடம் - நீ
அன்பதாய்ச் சேர்ந்தால் அணைத்துனைக் காப்பார் ஆசைகொள் நீ மனமே
5. பூலோகத்தாரும் மேலோகத்தாரும்
புகழ்ந்து போற்றும் நாமம் - அதைப்
பூண்டு கொண்டால் தான் பொன்னகர் வாழ்வில்
புகுவாய் நீ மனமே