♫ பாடலைக் கேட்க / பதிவிறக்கம் செய்ய... ⇩♪
உள்ளம் வந்தீர் உறவு தந்தீர்
இயேசுவே உமக்கு நன்றி பூக்கள் (2)
ஒளியினைத் தந்தீர் எங்கள் வாழ்வில்
மனிதத்தின் வாழ்வைக் கண்டோம் உம்மில் (2)
நன்றி பாடிடுவோம் நன்றி பாடிடுவோம் -2
1. ஏழைப் பெண்ணின் காணிக்கை போல
எம்மைத் தந்தோம் ஏற்றாய் நன்றி (2)
வார்த்தையைக் கேட்டோம் மரியாள் போல
பாதத்தில் அமர்ந்தோம் அர்த்தங்கள் தந்தாய்
சிறுதுளி நீரே முத்தாய் மாறும்
இறைவா முத்தென மாற்றினாய் என்னை (2)
நன்றி பாடிடுவோம் நன்றி பாடிடுவோம் -2
2. தொழுநோயாளன் உடல்நலம் அடைந்தான்
தொழுதிட மீண்டும் வந்ததும் மகிழ்ந்தீர் (2)
ஆலமரத்தின் விழுதுபோல
ஆயிரம் நன்மைகள் அடைந்தோம் நன்றி
அன்பை பிறருக்கு உனைப்போல் வழங்க
செல்வோம் உலகிற்கு இதயம் நன்றி (2)
நன்றி பாடிடுவோம் நன்றி பாடிடுவோம் -2