மனுவான வார்த்தை நம்மோடு வாழ மகிழ்ந்து வருகின்றார்

♫ பாடலைக் கேட்க / பதிவிறக்கம் செய்ய... ⇩♪

மனுவான வார்த்தை நம்மோடு வாழ

மகிழ்ந்து வருகின்றார்

முடிவில்லா வாழ்வின் முன்னோடியாக

விருந்து படைக்கின்றார்

திரு விருந்து படைக்கின்றார்

1. மரியாளின் மடியில் மழலையாய் உதித்த

மகவாக வருகின்றார் (2)

அருளாளர் சிமியோன் அன்போடு ஏந்திய

நம் மீட்பர் வருகின்றார் -2

2. பணிசெய்யும் தன்னை பலியாக்க நாளும்

பரிவோடு வருகின்றார் (2)

இறைவார்த்தை விதைத்து இறையாட்சி வளர

இதயத்தில் எழுகின்றார் -2

3. அருள்வாக்கு வழியில் ஆன்மீக உறவில்

ஆண்டவர் வருகின்றார் (2)

எம்மாவுஸ் சென்ற சீடர்கள் போல நம்மோடும் நடக்கின்றார் - 2