♫ பாடலைக் கேட்க / பதிவிறக்கம் செய்ய... ⇩♪
குறையாத அன்பு கடல் போல வந்து
நிறைவாக என்னில் அலை மோதுதே - அந்த
அலைமீது இயேசு அசைந்தாடி வரவே
பலகோடி கீதம் உருவாகுதே
1. கண்மூடி இரவில் நான் தூங்கும்போது
கண்ணான இயேசு என்னைக் காக்கின்றார் (2) - உன்னை
எண்ணாத என்னை எந்நாளும் எண்ணி
மண்மீது வாழ வழிசெய்கிறார் ஆ... (நான்) -2
2. அடிவானம் தோன்றும் விடிவெள்ளி என்றும்
தொடர்கின்ற இரவின் முடிவாகுமே (2) - மண்ணில்
துடிக்கின்ற ஏழை வடிக்கின்ற கண்ணீர்
துடைக்கின்ற இயேசு அரசாகுமே ஆ...(கண்ணீர்) - 2