♫ பாடலைக் கேட்க / பதிவிறக்கம் செய்ய... ⇩♪
எது வேண்டும் உனக்கு இறைவா - 2
எது தந்த போதும் உனக்கது ஈடாகுமா -2 எது வேண்டும் - 4
1. மலர் யாவும் தந்தேன் திருப்பாதம் வைத்தேன்
உனக்கது மணமில்லையோ
கனியாவும் தந்தேன் திருப்பீடம் வைத்தேன்
உனக்கது சுவையில்லையோ
எதை நான் தருவேன் தலைவா
நீ விரும்புவதென்னவோ இறைவா
எளிய என் இதயம் தந்தேன் - 2
அது ஏற்றதாய் இருக்குமோ இறைவா - எது வேண்டும் - 2
2. பொருள்கோடி தந்தேன் பொன்னோடு வந்தேன்
உனக்கது ஈடில்லையே
உள்ளதைத் தந்தேன் கடன் வாங்கித் தந்தேன்
உனக்கது இணையில்லையே
எதை நான் தருவேன் தலைவா
நீ விரும்புவதென்னவோ இறைவா
சின்ன என் இதயம் தந்தேன் - 2
அது சிறப்பாய் இருக்குமோ இறைவா - எது வேண்டும் - 4