சிலுவையில் தொங்கும் செம்மறியே என்னைச் சிலையென நிறுத்தும் அன்புருவே

சிலுவையில் தொங்கும் செம்மறியே - என்னைச்

சிலையென நிறுத்தும் அன்புருவே

கசையடி குதறிய உமைக் காண - மனம்

கசிந்திடக் கண்ணீர் பெருகிடுதே

1. சாட்டையால் உமதெழில் மலருடலை - ஒரு

சாலென எண்ணி உழுதனரோ

வேட்டையில் விழுந்த மானெனவே உம்மை

வீணர்கள் எண்ணிக் கீறினரோ

2. கூரிய முள்முடியால் தலையில் - இன்று

ஏறின துன்பம் எவ்வளவோ

யாருமே இல்லையோ நண்பரென உமக்(கு)

ஆறுதல் தந்து தேற்றிடவே

3. அணைத்திட விரித்த கரங்களிலே - கொடும்

ஆணியே அமைவாய் நுழைந்ததுவோ

தேடிய திருவடி துளைபடவே - அது

திரண்டெழு குருதியில் குளித்ததுவோ